Қазақстан Республикасы Президентінің Жарлығына сәйкес барлық деңгейдегі әкімдердің халықпен кездесулер өткізіп, жергілікті жерлерде жүргізіліп жатқан жұмыстармен тұрғындардың хабардар болуын, билік органдарының беделін арттыруға, халықты толғандыратын проблемалық мәселелердің шешілу жолдары мен мерзімдерін бірігіп талқылауға арналған Жетісай ауданының әкімі Серік Үсенұлы Мамытовтың кезекті есептік кездесуі Абай ауылдық округінде өтті.
Аудандық мәслихат төрағасы Медет Қасымов пен «AMANAT» партиясы Жетісай аудандық филиалының төрағасы Асқар Қайназаров, аудандық мәслихат депутаты Жанарыс Тәліпбеков пен аудандық полиция бөлімі басшысының орынбасары Нұрсұлтан Елшібаев, аудандық қоғамдық кеңес төрағасы Бақыт Жаңбырбаев пен аудан әкімінің орынбасарлары, бөлімдер мен денсаулық сақтау, білім беру мекемелерінің басшылары, тұрғындар қатысқан кездесуде ауылдық округті сапалы ауыз сумен қамтамасыз ету, ішкі көшелерді орта жөндеуден өткізу, ескірген электр бағаналарын жаңарту бағыттары бойынша жұмыстарды күшейту, өмір сүру сапасын жақсартуға айрықша көңіл бөлу, округтің инфрақұрылымын дамыту мәселелері кеңінен сөз болды. Атқарылған жұмыстар сараланып, өзекті мәселелердің шешу жолдары ұсынылды. Бұған дейінгі кездесулерде айтылған мәселелердің орындалу барысы таныстырылды.
Бірінші жартыжылдықта өткен кездесуде көтерілген Халықтар достығы ауылына КТП орнату, ойын алаңшасын қоршау, Алтын кемер елді мекенін табиғи газбен қамту, Бейбітшілік елді мекеніндегі жол сызықтарын жаңарту, Отан ауылында көлік жуу нысандарын ретке келтіру сынды айтылған 5 мәселенің бүгінде 3-і орындалып, 2-і тұрақты бақылауға алынған.
Одан бөлек, жергілікті бюджет есебінен келесі жылға өтпелі құны 14,4 млн теңге болатын Алтын кемер елді мекенінен футбол алаңшасының, құны 10,3 млн теңге болатын Бейбітшілік елді мекенінен балалар ойын алаңшасының құрылыстары басталып, Бейбітшілік елді мекенінің көшелерін жарықтандыруға 4,7 млн теңге бөлінген. Ал, ауылдардың санитариясын қамтамасыз етуге 5 млн теңге және көше атаулары мен үй нөмірлерін орнату жұмыстарына 2,7 млн теңге қаралып, тиісті жұмыстар жүруде.
Еркін форматта өткен жиыннан соң аудан басшысы жергілікті тұрғындарды жеке мәселелерімен қабылдады. Қабылдау барысында айтылған өтініштер бойынша сала мамандары мен бөлім басшыларына тиісті жұмыстар жүргізу керектігі жөнінде тапсырмалар берді.
Кездесуде тұрғындардың көтерген мәселелері мен ұсыныстары назарға алынып, оларды шешу үшін кешенді жоспарлар әзірленді. Аудан әкімінің айтуынша, барлық ұсыныстар мен арыз-шағымдар жүйелі түрде қаралып, тиісті органдарға тапсырмалар беріліп отыр. Бұл бағыттағы жұмыстар алдағы уақытта да өз жалғасын табады, себебі ауданның инфрақұрылымын жақсарту мен халықтың өмір сүру сапасын арттыру — басты мақсаттардың бірі. Сонымен қатар, әкім тұрғындарға кез келген уақытта өз пікірлерін білдіруге және жергілікті билікпен тікелей байланыс жасауға мүмкіндік беретін іс-шаралар жиі ұйымдастырылатынын айтты.
Сондай-ақ, аудан әкімі Серік Үсенұлы Мамытов осы кездесуде ауылдық округтің әлеуметтік-экономикалық дамуына бағытталған бірқатар жаңа бастамалар мен жобалар туралы да айтып өтті. Бұл жобалар тұрғындардың өмір сүру деңгейін көтеру, инфрақұрылым мен қызмет көрсету сапасын жақсарту, сондай-ақ жастар мен балалар үшін қолайлы жағдайлар жасауға бағытталған. Әкім осы жұмыстардың маңыздылығын атап өтіп, әрбір жергілікті тұрғынның пікірін ескеру қажеттігін атап өтті.
Кездесу соңында аудан басшысы жергілікті билік органдарының халықпен тығыз қарым-қатынас орнатуға барынша күш салатынын, сондай-ақ барлық деңгейдегі әкімдер мен мамандардың үйлесімді жұмысын қамтамасыз ету үшін тың бастамалар көтерілетінін айтты. Әкімнің қабылдауында болған тұрғындар ұсыныстарын айтты, сол арқылы алдағы уақытта атқарылатын жұмыстардың тиімділігін арттыруға және ауыл өмірін жақсартуға үлес қосуға мүмкіндік алады.