Өнер – адамның мүмкіндігін шектемейді. Ал талантты танытуға берілген мүмкіндік кез келген жастың шығармашылыққа деген сенімін арттыра түседі.
Осы мақсатта 9 қазан күні Шымкент қаласында «Шексіз мүмкіндіктер» шығармашылық кеші ұйымдастырылады. Кеш барысында ерекше жастар өздерінің өнердегі қабілеттерін көрсетіп, көрермен назарына түрлі шығармашылық нөмірлерін ұсынады.
Кеш барысында өнерлі жастар сахна төріне шығып, ән айтып, би билеп, түрлі музыкалық қойылымдар арқылы өз өнерлерін ортаға салады. Әр қатысушы үшін бұл – талантын танытып қана қоймай, сахна мәдениетін шыңдап, шығармашылық мүмкіндігін көрсетуге берілген ерекше мүмкіндік.
Шараға республикаға танымал жастар да арнайы қонақ ретінде қатысады. Көрермендерді әсем ән, әсерлі би және мазмұнды музыкалық қойылымдарға толы жарқын бағдарлама күтеді.
«Шексіз мүмкіндіктер» – талант пен шабыт тоғысатын, ерекше жастардың өнерін тамашалауға мүмкіндік беретін шығармашылық кеш.
Кеш 9 қазан күні сағат 11:00-де Жастар ресурстық орталығында өтеді.
Өнерлі жастардың өнерін бірге тамашалайық!