Түркістан облысының әкімі Нұралхан Көшеровтің төрағалығымен Әдеп кодексін сақтау мәселесі бойынша жиын өтті. Жиынға облыс әкімі аппараты, облыстық басқармалар мен аудан, қала басшылары мен Мемлекеттік қызмет істері агенттігінің өкілдері қатысты. Күн тәртібінде мемлекеттік қызметшілердің әдеп нормаларын сақтауы, мемлекеттік органдардағы ішкі тәртіп, қызметтік этика талаптарының орындалуы және өзге де өзекті мәселелер талқыланды.
Облыс әкімі жиында мемлекеттік қызметкердің әдебі мен мінез-құлқы – халықтың билікке деген сенімінің негізі екенін атап өтіп, жауапты тұлғаларға қызметтік тәртіп пен әдеп нормаларының қатаң сақталуын күшейту бойынша бірқатар тапсырма жүктеді.
Жиында ҚР Мемлекеттік қызмет істері агенттігі Түркістан облысы бойынша департаментінің басшысы Абылайхан Наурызбаев мемлекеттік қызметшілердің әдеп нормаларына тоқталып, талдау жұмыстары жүргізілгенін айтып өтті.
Отырыста бірқатар мәселелер қаралып, мемлекеттік қызметшілердің жауапкершілігін арттыру, тәртіптік жағдайлардың алдын алу бойынша ұсыныстар айтылды. Жауапты тұлғаларға нақты тапсырмалар беріліп, бақылауды күшейту бойынша міндеттер жүктелді.
Облыс басшылығы мемлекеттік қызметшілердің әдеп кодексін сақтауы — мемлекеттік басқарудың тиімділігін арттыру мен халыққа сапалы қызмет көрсетудің кепілі екенін ерекше атап өтті. Мұндай шаралар мемлекеттік қызметтің кәсіби деңгейін көтеруге, қызметкерлердің мінез-құлқы мен кәсіби этикасын жетілдіруге бағытталған.
Сонымен қатар, әдеп нормаларын қатаң сақтау билік пен қоғам арасындағы сенімді нығайтуға, тұрғындардың мемлекеттік органдарға деген сенімін арттыруға ықпал етеді. Жиында қабылданған тапсырмалар мен ұсыныстарды орындау арқылы облыста қызметтік тәртіп пен жауапкершілік деңгейі күшейтіліп, мемлекеттік қызмет саласындағы тәртіптік бұзушылықтардың алдын алу қамтамасыз етілетіні жоспарлануда.
Осындай жүйелі жұмыс облыстың әлеуметтік-экономикалық дамуына оң әсер етіп, тұрғындарға көрсетілетін мемлекеттік қызметтердің сапасын арттыруға мүмкіндік береді