Түлкібас ауданында көктемгі дала жұмыстары қарқын алды. Бүгінде аудан аумағында 64 мың гектар алқапқа түрлі дақылдар мен мал азығын егілген. Соның ішінде, 50 мың гектардан астам жерге көктемгі егіс егілсе, 14 мың гектардан астам алқапқа күздік бидай себілген. Жалпы, 15 680 гектарға — бидай, 6 800 гектарға — арпа, 11 000 — гектарға майлы дақылдар, 28 500 гектарға — мал азықтық дақылдар егілген. Сонымен қатар, 1 200 гектарға — картоп, 1 500 гектарға — көкөніс егілген.
Бұл көрсеткіштер аудан әкімі Асқар Естібаевтың төрағалығымен өткен аппараттық жиында кеңінен талқыланды. Жиында ауыл шаруашылығы және жер қатынастары бөлімінің басшысы Қуат Еркебаев «Ауыл-Аманаты» бағдарламасының жүзеге асу барысын баяндап, саладағы маңызды мәселелерге тоқталды. Бағдарлама аясында жоспарланған 10 жобаның бүгінде 3-еуі жеңілдетілген несиеге қол жеткізіп, ауыл шаруашылығы кооперативтерінің тынысын ашуда. Ал алдағы уақытта тағы 4 жоба қаржыландырылып, жаңа мүмкіндіктерге жол ашылмақ.
Сонымен қатар аудан бойынша егіс алқаптарын тиімді пайдалану және су ресурстарын үнемдеу бағытында нақты шаралар қабылданып отыр. Ауыл шаруашылығы құрылымдарына заманауи суару технологияларын енгізу, тамшылатып және жаңбырлатып суару жүйелерін кеңейту мәселесі кезең-кезеңімен жүзеге асырылуда.
Мамандардың айтуынша, биылғы көктемгі егіс жұмыстары ауа райының қолайлы болуына байланысты жоспарлы мерзімде жүргізіліп, агротехникалық талаптарға сай орындалуда. Бұл өз кезегінде өнімділікті арттыруға және ауыл шаруашылығы саласының тұрақтылығын қамтамасыз етуге мүмкіндік береді.
Аудан шаруаларына тұқым сапасын арттыру, тыңайтқыштарды дұрыс қолдану және зиянкестерге қарсы алдын алу шараларын күшейту жөнінде де түсіндіру жұмыстары жүргізілуде. Мұндай кешенді қолдау шаралары диқандардың еңбек өнімділігін арттыруға ықпал етуде.
Жалпы, Түлкібас ауданында жүзеге асып жатқан бұл бастамалар өңірдің ауыл шаруашылығы әлеуетін одан әрі дамытуға серпін беріп, жергілікті тұрғындардың әлеуметтік-экономикалық жағдайын жақсартуға бағытталған.
Аудан көлемінде жүргізіліп жатқан көктемгі егіс жұмыстары ауыл шаруашылығы саласының тұрақты дамуына негіз болуда. Диқандардың жерді тиімді игеруі мен агротехникалық талаптарды сақтауы өнім көлемін арттыруға және жердің құнарлылығын сақтауға мүмкіндік береді. Бұл өз кезегінде ауданның азық-түлік қауіпсіздігін нығайтуға ықпал етеді.
Сонымен қатар, егістік құрылымының әртараптандырылуы мал шаруашылығы мен өсімдік шаруашылығының қатар дамуына жағдай жасап отыр. Мал азықтық дақылдардың көптеп егілуі ауыл шаруашылығы кооперативтерінің жем-шөп қорын тұрақтандыруға сеп болады. Бұл мал басын көбейтуге және өнім сапасын жақсартуға оң әсерін тигізеді. Алдағы уақытта мемлекеттік бағдарламалар аясында қаржыландыру көлемі артып, жаңа жобалардың іске асуы күтілуде. Бұл ауыл тұрғындарының табысын арттырып, кәсіпкерлік белсенділікті күшейтуге жол ашады. Нәтижесінде Түлкібас ауданының аграрлық әлеуеті одан әрі дамып, өңір экономикасына серпін бермек.