Мемлекет басшысы Қасым-Жомарт Кемелұлы Тоқаевтың бастамасымен жүзеге асырылып жатқан «Келешек мектептері» ұлттық жобасы өңірлерде сапалы білім алуға тең мүмкіндік қалыптастыруға бағытталған. Осы ұлттық жоба аясында Түркістан облысында 29 жаңа мектеп салынса, оның ішінде Сауран ауданында үш заманауи мектеп пайдалануға беріліп, балалар мен ұстаздар үшін қолайлы әрі қауіпсіз білім беру ортасы қалыптасты.
Жаңа мектептердің ашылуы аудандағы үш ауысымда оқу, апатты және ескі ғимараттарда білім беру мәселелерін шешуге нақты серпін берді. Бұл, ең алдымен, оқушылардың денсаулығы мен білім сапасына оң әсер етіп, педагогтердің заманауи талаптарға сай жұмыс істеуіне мүмкіндік туғызды. Ұлттық жоба тек жаңа ғимараттар салумен шектелмей, ауыл мен қала арасындағы білім сапасын теңестіруге, балалардың қабілетін ашуға және ұстаз еңбегін қолдауға бағытталған маңызды бастама болып отыр.
Сауран ауданы білім бөлімінің басшысы Ғани Бақытұлының айтуынша, «Келешек мектептері» – болашақ ұрпақтың зияткерлік әлеуетін арттыруға арналған кешенді жоба.
«Бұл мектептер – балалардың қауіпсіз, жарық әрі заманауи ортада білім алуына жасалған нақты жағдай. Сонымен қатар, мұғалімдер үшін де жаңа мүмкіндіктер ашылды. Зертханалармен, STEM және робототехника кабинеттерімен жабдықталған мектептер ұстаздардың кәсіби шеберлігін шыңдап, оқыту үдерісінің сапасын арттыруға мүмкіндік береді», – деді ол.
Еңбекші Диқан ауылында ашылған 600 орындық №4 жалпы білім беретін мектеп бірнеше елді мекендегі оқушы жүктемесін азайтып, үш ауысымда оқу қаупін жойды. Бүгінде мектеп бір ауысымда жұмыс істеп, жүздеген баланың сапалы білім алуына жағдай жасап отыр. Ал С.Қожанов ауылында бұрын апатты жағдайда болған ескі саман мектептің орнына 300 орындық жаңа мектеп салынуы ауыл балалары үшін қауіпсіз әрі қолайлы білім кеңістігін қалыптастырды. Сондай-ақ Шорнақ ауылының Аша елді мекенінде ашылған №5 жалпы білім беретін мектеп көршілес білім беру ұйымдарындағы үш ауысым мәселесінің алдын алып, оқушыларды заманауи материалдық-техникалық базамен қамтуға мүмкіндік берді.
Ұлттық жоба аясында бой көтерген бұл мектептерде физика, химия, биология зертханалары, IT, робототехника, STEM кабинеттері, спорт және шығармашылық залдары толық жабдықталған. Мұндай мүмкіндіктер оқушылардың жан-жақты дамуына, ал педагогтердің жаңа әдістермен нәтижелі жұмыс істеуіне жол ашып отыр. Сауран ауданында жүзеге асырылған «Келешек мектептері» ұлттық жобасы – балалар болашағына салынған берік негіз әрі ұстаз еңбегіне көрсетілген нақты қолдаудың жарқын көрінісі.
«Келешек мектептері» ұлттық жобасы елдегі білім беру жүйесін жаңа деңгейге көтеруге бағытталған маңызды бастама болып табылады. Бұл жоба арқылы әрбір аймақта білім сапасын арттырып, оқушылар мен ұстаздарға жаңа мүмкіндіктер ашу мақсат етілген. Түркістан облысы, әсіресе Сауран ауданы, осы жоба аясында үлкен жетістіктерге жетіп, өңірде жаңа білім ошақтарының салынуы арқылы оқу процесі түбегейлі өзгерді.
Жаңа мектептердің ашылуы үш ауысымда оқыту мәселесін шешіп, ескі ғимараттардағы оқушылардың білім алу сапасын арттыруға мүмкіндік берді. Осылайша, балалар үшін қолайлы әрі қауіпсіз оқу орталары құрылды, мұғалімдерге де кәсіби даму үшін заманауи мүмкіндіктер ұсынылды. Сонымен қатар, жаңа мектептерде білім беру тек ғимараттардың жаңартылуымен шектелмей, оқушылардың ғылыми және шығармашылық қабілеттерін дамыту үшін арнайы кабинеттермен жабдықталды. Бұл бастама ауыл мен қала арасындағы білім деңгейіндегі теңсіздікті азайтуға, білім беру сапасын теңестіруге зор ықпал етіп, ұстаздардың еңбегін қолдауға да маңызды қадам болып табылады. Сонымен бірге, ауданның білім беру саласында жүзеге асырылған реформалар оқушылардың болашақта бәсекеге қабілетті болуы үшін берік негіз қалауға ықпал етті.