Қазығұрт ауданы, Қызылқия ауылдық округіне қарасты Қызылсеңгір елді мекенінде 25 қазан – Республика күні мерекесі қарсаңында жаңа «Бал-Сафия» бөбекжай балабақшасы салтанатты түрде ашылды.
Аталған игі шараға аудан әкімінің орынбасары Мұхамедғали Әшірбаев арнайы қатысып, ауыл тұрғындарын қуанышты сәтпен құттықтап, жылы лебізін білдірді.
Айта кетейік, жаңа балабақшаның бой көтеруі – ауыл тұрғындары үшін зор қуаныш әрі маңызды әлеуметтік оқиға. Бұл нысан жеке кәсіпкер Айгүл Құрбанованың өз қаражаты есебінен салынған. Жаңа бөбекжай заманауи талаптарға сай жабдықталып, бүлдіршіндердің жан-жақты дамуы мен сапалы тәрбие алуына қажетті барлық жағдай жасалған.
Жиын соңында ауыл ақсақалдары мен ата-аналар аудан басшылығына және нысан құрылысын жүзеге асырған кәсіпкерге алғыстарын білдіріп, балабақша ұжымына сәттілік тіледі.
Жаңа балабақша ауылдағы ата-аналар мен балалар үшін зор мүмкіндіктер ашатыны сөзсіз. Бұл тек қана баланың жан-жақты дамуына жағдай жасайтын орын ғана емес, сонымен бірге ауылдың әлеуметтік және мәдени деңгейін арттыруда маңызды рөл атқарады. Жаңа мекеменің ашылуы ауыл тұрғындарының әл-ауқатын жақсартуға, балалардың сапалы білім алуына жағдай жасауға бағытталған нақты қадам болып табылады.
Ауыл тұрғындары мен ауыл ақсақалдары құрылысқа қолдау көрсеткен кәсіпкер Айгүл Құрбанова мен аудан басшылығына алғыстарын білдіріп, балабақша ұжымына өз тілектерін айтты. Балалар үшін жасалған жағдайлар мен мүмкіндік орталығы ауылдың мәдени және әлеуметтік болашағы үшін маңызды әрі бағалы қадам болды.