Кентау қаласының 70 жылдық мерейтойына орай Кентау қалалық «Жастар ресурстық орталығы» КММ-нің ұйымдастыруымен «ХАН FEST» жастар фестивалі өткізілді.
Фестивальдің басты мақсаты – жастардың шығармашылық және коммуникативтік қабілеттерін дамыту, өзара ынтымақтастықты арттыру, салауатты өмір салтын насихаттау, құқықбұзушылық пен нашақорлықтың алдын алу, сондай-ақ жастардың жан саулығын нығайту.
Іс-шараны Кентау қалалық «Жастар ресурстық орталығы» КММ басшысы Азат Сұлтан Бақытұлы ашып, қатысушыларға сәттілік тіледі. Сонымен қатар, жастарға арнап балалар қауіпсіздігі, өрт қауіпсіздігі, жол-көлік оқиғаларының және құқықбұзушылықтың алдын алу мәселелері бойынша маңызды үндеу жолданды.
Фестиваль үш кезеңнен тұрды:
1. Садақ ату
2. Тирден ату
3. Ләңгі тебу
Бұл арқылы ұлттық спорт түрлері насихатталып, жастар арасында патриоттық сезім мен ұлттық құндылықтарға деген құрмет қалыптастыру көзделді.
Жеңімпаздар төмендегідей анықталды:
І орын – Қаратау командасы
ІІ орын – Eco Unite командасы
ІІІ орын – Eagles командасы
Барлық қатысушыларға алғыс хаттар мен бағалы сыйлықтар табысталды.
Іс-шара соңында жастар үшін арнайы фуршет ұйымдастырылып, қатысушылар домбыра тартып, ән айтып, өнерлерін ортаға салды. Жылы атмосферада өткен кеш қатысушылардың көңілінен шығып, көтеріңкі рух пен достық сезім сыйлады.