Қазығұрт ауданына қарасты Қызылқия ауылы округінің Атажұрт ауылында – Республика күні мерекесі қарсаңында, сондай-ақ «Заң мен тәртіп» тұжырымдамасын іске асыру аясында мемлекет меншігіне қайтарылған активтер есебінен орталықтандырылған жаңа ауыз су жүйесі пайдалануға берілді.
Аталған нысанның құрылысы мемлекетке прокуратура органдары арқылы қайтарылған активтер есебінен қаржыландырылды. Бұл – заң үстемдігін қамтамасыз етіп, қайтарылған қаражатты халық игілігіне бағыттаудың нақты үлгісі.
Шараның салтанатты ашылу рәсіміне аудан әкімі Азизхан Исмаилов, аудан прокуроры Руслан Абдраимов, «AMANAT» партиясының Түркістан облыстық филиалының төрағасы Алтынсары Үмбеталиев ауыл тұрғындары мен зиялы қауым өкілдері қатысты.
Орталықтандырылған жаңа су жүйесінің іске қосылуы Атажұрт ауылындағы 1000-нан астам тұрғынды сапалы ауызсумен қамтамасыз етіп, жайлы өмір сүру жағдайларын жақсартуға және өңірдің әлеуметтік-экономикалық дамуына оң әсерін тигізері анық.
Ауыз су жүйесінің іске қосылуы – бұл тек инфрақұрылымдық жобаның жүзеге асуы ғана емес, сонымен бірге тұрғындардың өмір сапасын арттыруға бағытталған маңызды қадам. Атажұрт ауылында жаңа су жүйесі пайда болуы арқылы ауыл халқы енді таза әрі қауіпсіз ауызсумен қамтамасыз етіліп, тұтыну мәселесі шешімін тапты. Бұл әсіресе ауыл тұрғындарының денсаулығына оң әсер етіп, көптеген індеттер мен аурулардың алдын алуға мүмкіндік береді.
Қайтарылған активтерді халық игілігіне пайдалану – бұл заң мен тәртіптің алға жылжуына негіз болатын нақты шаралардың бірі. Мемлекет меншігіне қайтарылған қаражаттың халықтың әлеуметтік қажеттіліктеріне жұмсалуы қоғамдағы әділеттілікті нығайтады, ал заң үстемдігін қамтамасыз етудің маңызды көрсеткіші ретінде бағаланады. Мұндай жобалар қоғамдағы сенімділікті арттырып, елдің болашағына деген сенімділік пен үмітті күшейтеді.
Жаңа су жүйесінің іске қосылуы Атажұрт ауылында әлеуметтік-экономикалық дамудың жаңа кезеңін бастап отыр. Бұл жоба, ең алдымен, тұрғындардың өмір сүру сапасын арттырып, ауылды дамытудың жаңа мүмкіндіктерін ашады. Алдағы уақытта осындай жобалар басқа да елді мекендерде іске асып, Түркістан облысының дамуына өз үлесін қосатыны сөзсіз.