23 маусым – Мемлекеттік қызметшілер күніне орай Бәйдібек ауданында салтанатты іс-шара ұйымдастырылды. Шараға аудан басшылығы, мемлекеттік қызметкерлер мен ардагерлер қатысты.
Іс-шараны Бәйдібек ауданының әкімі Нұрмаханов Ерлан Заипұлы ашып, мемлекеттік қызметтің маңыздылығына тоқталып, барша сала мамандарын кәсіби мерекемен құттықтады.
– Мемлекеттік қызмет – ел алдындағы үлкен жауапкершілік пен адалдықты талап ететін абыройлы міндет. Осы салада еңбек етіп жүрген барша әріптестерге табыс тілеймін, – деді аудан басшысы өз құттықтау сөзінде.
Сонымен қатар, мерекелік жиында аудандық мәслихаттың төрағасы Түймебаев Имангелді Қансейітұлымен және «AMANAT» партиясы аудандық филиалының төрағасы Қуанышбек Қансеитов құттықтау сөз сөйлеп, мемлекеттік қызметшілердің еңбегіне жоғары баға берді.
Шара барысында ауданның әлеуметтік – экономикалық дамуына үлес қосып жүрген және мемлекеттік қызмет саласында үздік нәтиже көрсетіп жүрген бірқатар мемлекеттік қызметкерлер Алғыс хаттарымен марапатталды.